Платформата за граѓанска политика „Ајде“ утре, во 18 часот, пред Собранието на Република Македонија, ќе организира мирен собир со кој ќе му даде поддршка на специјалниот јавен обвинител, но и јавно ќе ги соопшти очекувањата.
„Ние, граѓаните на Република Македонија, целосно сме посветени и истрајни во битката за правда, слобода и за демократија. Ова треба да му биде јасно на специјалниот јавен обвинител. Непоколебливо и цврсто ќе ја поддржиме неговата работа, зашто очекуваме премиерот во оставка и неговите соработници, што побргу да се најдат на обвинителна клупа и да одговараат за сите криминали и злосторства направени во изминатите девет години. Очекуваме специјалниот јавен обвинител и неговиот тим да работат целосно независно, професионално, компетентно и ефикасно и да ги процесираат во најкус можен рок криминалите на ВМРО-ДПМНЕ и на ДУИ. Оваа власт мора да одговара за своите криминали и злосторства и тоа претставува врвен национален интерес“, велат од „Ајде“.