Претседателот на СДСМ, Зоран Заев, им го честита големиот христијански празник Воскресение Христово, Велигден, на бискупот, скопски и апостолски егзарх во Македонија, Киро Стојанов, како и на сите верници од католичка вероисповед во Република Македонија.
„Во мое име, и во име на Социјалдемократскиот сојуз на Македонија, Ви упатувам срдечни честитки Вам и на граѓаните коишто го празнуваат денешниот најголем христијански празник Воскресението Христово, Велигден.
На сите верници од католичка вероисповед во Република Македонија, и Вам лично, Ви посакувам да ги поминете велигденските празници во духовен мир, семејна хармонија и во добро здравје.
Искрено верувам дека сите ние заедно се залагаме за создавање подобра, посветла иднина за Република Македонија, каде меѓусебното разбирање, заемното почитување и толеранцијата меѓу сите граѓани ќе бидат основни темели за заеднички и спокоен живот“, се вели во честитката испратена од Заев.
