Полициски припадници во содејство со специјалците од единицата „Тигар“, вчера го привеле четириесет и тригодишниот Љ.Н. од Пробиштип, по претходно издадени судски наредби, извршени на пет локации во Пробиштип и една локација во Штип.
Тој на 21 декември, околу 13 часот, со секира влегол во училишниот двор на средното училиште „Наум Наумовски Борче“ во Пробиштип и им се заканувал на вработените. Покрај ова, тој со спреј пишувал пораки со заканувачка содржина по надворешните ѕидови од училиштето, уништувал предмети и инсталации во ходниците и се обидел да ја скрши вратата од канцеларијата на директорката.
По ова, Љ.Н. влегол во зградата на пробиштипскиот Центар за социјални работи каде упатувал закани по животот на вработените.
Против него е поднесена кривична пријава до надлежното обвинителство и се преземаат и дополнителни мерки за расчистување на случајот.
