Железничкиот сообраќај е сопрен на една железничка станица во Париз, каде работниците, поправајќи ги шините, пронашле неексплодирана бомба.
Како што пренесуваат локалните медиуми, станува збор за бомба од Втората светска војна.
– Бомбата е пронајдена за време на работа на шините – изјави неименуван претставник на француската железница, додавајќи дека е запрен сообраќајот на возовите кои пренесуваат патници во Германија, Швајцарија и во Луксембург.
Според информациите на полицијата, бомбата и понатаму има капацитет да експлодира.
Специјални безбедносни екипи работат на демонтирање на бомбата.
