Министерството за внатрешни работи соопшти дека вчера 28 септември 2021 г., за возење со брзина над дозволената казниле дури 661 возач.
„Од нив, 50 возилa се движеле со брзина над 50 километри на час повеќе од дозволеното, а 12 возила се движеле со дури над 70 километри на час повеќе од дозволената брзина“, соопштија од МВР додавајќи дека 278 возачи ја пречекориле брзината во населено место, а 383 надвор од населено место.
Оттаму најавуваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи и да придонесат за побезбедни патишта.
