Германската канцеларка Ангела Меркел во говорот по повод одбележувањето од 25-годишнината од падот на Берлинскиот ѕид оцени дека тој настан е пример за желбата на луѓето за слобода и им оддаде почест на оние кои помогнаа во уривањето на ѕидот, кој 28 години беше симбол на Студената војна, пренесе „Дојче веле“.
– Падот на Берлинскиот ѕид ни покажа дека сништата можат да се остварат – рече Меркел во Меморијалот на Берлинскиот ѕид, во улицата Бернауер, и порача дека „ништо не мора да остане онака како што е, без разлика колку се големи пречките“.
Германската канцеларка го истакна значењето на демократските протести во Полска, Чехословачка и во Унгарија пред падот на Ѕидот и ги пофали жителите на Источна Германија кои, инспирирани од тие движења, ѝ се спротивставија на диктатурата.
Таа, исто така, им искажа почит на луѓето кои страдале под комунистичкиот режим, меѓу нив и 138 луѓе кои загинаа обидувајќи се да го минат Берлинскиот ѕид.
Меркел рече дека 9. ноември е значаен датум во германската историја и затоа што на тој ден во 1938 година нацистите во т.н. Кристална ноќ извршија масовен погром врз Евреите.
– Тоа беше почеток на убиството на милиони – рече Меркел, додавајќи дека на 9. ноември секоја година не чувствува одговорност со која историјата ги оптоварила Германците.
Нашите вести во вашето сандаче
Секој ден во 17 ч. добивајте ги вестите од Новинската агенција Мета директно на вашата електронска адреса.
Можете да се отпишете од оваа листа преку линкот на крајот од нашите пораки.
УСС УКИМ: Филозофскиот факултет ги повлече зголемените трошоци за студентите
Филозофскиот факултет ги повлече новововедените трошоци за „онлајн ресурси“ и „материјални ресурси“, што студентите на овој факултет требаше да ги плаќаат при запишувањето на претстојниот зимски семестар.
Универзитетското студентско собрание...
