Министерството за надворешни работи на Турција денеска го осуди контроверзниот закон на израелската влада за ретроактивна легализација на еврејските населби изградени на палестинска земја на Западниот Брег, јавуваат турските медиуми.
Во соопштението, турското МНР наведува дека е неприфатлива политиката што Израел упорно ја спроведува и покрај Резолуцијата 2334 на Советот за безбедност на Обединетите нации од 23 декемри 2016 година, во која стои дека нелегалните активности за населување на окупираните палестински територии ја уништуваат основата на решението за две држави, односно за создавање независна Палестина покрај Израел.
Според усвоениот закон, ретроактивно ќе се легализираат околу 4.000 станбени единици – незаконски подигнати за еврејските доселеници на Западниот Брег.
