Со краток говор, актерот Роберт де Ниро го отвори Сараевскиот филмски фестивал (СФФ).
Де Ниро во оваа прилика изјави дека е почестен што го отвора фестивалот во Сараево, по што му беше врачена специјална награда за животно дело „Почесно срце на Сараево“.
– Среќен сум што сум тука. Чест ми е што сум поканет. Бев заинтересиран да дојдам тука. Ме прашаа повеќепати и јас ветив дека ќе дојдам. Ги донесов своите две деца и сакав тоа да го доживеат со мене – порача Де Ниро кој призна дека не гледал ниту еден филм од БиХ, но „дека тоа би го сакал“.
Годинашниот СФФ, кој трае од 12 до 20 август, во рамките на 18-те фестивалски програми, ќе претстави 223 филмови од 61 држава.
