Чешкиот претседател Милош Земан, кој често го изедначува тероризмот со исламот, изјави дека премиерот Бохуслав Соботка ја загрозува Чешка со тоа што целосно не ја препознава опасноста што ја претставуваат барателите на азил.
Земан во интервју за чешкиот весник „Млад фронт“ рече дека за разлика од премиерот, тој смета дека бранот мигранти преставува „организирана инвазија“.
Премиерот на Чешка претходно ја отфрли оцената на Земан дека миграцијата е поврзана со тероризмот. Тој рече дека е потребна борба против екстремистите од Исламска држава, а не против бегалците.