На граничниот премин „Табановце“ вчера рано наутро полицијата уапсила 19-годишник од Камерун, кој имал фалсификувана швајцарска дозвола за престој, белгиски пасош за кој има сомнежи дека е исто така фалсфикуван и два камерунски пасоша.
Како што соопшти МВР, Камерунецот најпрво дал на увид Дозвола за престој во Швајцарија, за која се покажало дека е фалсификувана. Со него бил извршен разговор, во кој изјавил дека дозволата ја набавил од едно лице во Турција за сума од 2.500 евра.
Потоа при прегледот биле пронајдени и белгискиот пасош за кој има сомнежи за фалсификат, како и две камерунски патни исправи. Тој бил лишен од слобода поради постоење основи на сомнение за сторено кривично дело „фалсификување исправа“. Потоа бил предаден на СВР Куманово за понатамошна постапка.