Од вчера е воведен уште еден начин за закажување на термин за фотографирање за лични документи, соопшти утрово Министерството за внатрешни работи (МВР).
Воведена е нова секција на интернет-страницата termin.mvr.gov.mk. Во секцијата наречена „Поднеси барање за термин“, граѓаните го внесуваат својот матичен број, оставаат телефон за контакт и избираат за кој документ би сакале да закажат термин.
Откако граѓаните ќе го испратат барањето, операторите од повикувачкиот центар ќе ги исконтактираат на наведениот телефон за контакт за да го опслужат нивното барање „во најкус можен рок“, велат од МВР.
