Евроамбасадорот Самуел Жбогар денеска во Прилеп изрази надеж дека претстојните избори, кои, како што рече, се многу значајни за земјата, ќе бидат спроведени на фер и веродостоен начин.
– Очекуваме добри избори и очекуваме новата влада да може сериозно да се ангажира во испорачување сериозни реформи. Очекуваме дека веднаш по изборите ќе се креира внатрешен моментум, но и моментум со ЕУ за да може заедно да го креираме европскиот пат – рече Жбогар, кој денеска со британскиот амбасадор Чарл Гарет беше во посета на Прилеп.
Тој рече дека изборите претставуваат можност земјата да ги стабилизира внатрешните односи и односите со Европската Унија.