Премиерот Зоран Заев синоќа во интервју во емисијата „Ноќно студио“ изјави дека предлозите за испразнетите министерски места и заменик министер се испратени до Собранието на Република Македонија и дека предлогот на Алијансата за Албанците за министерското место за здравство бил неприфатлив.
Владата како до Собранието го испрати името на Венко Филипче како предлог за министер за здравство.
Заев рече дека Алијансата за Албанците го добила министерството за здравство поради Арбен Таравари и потенцираше дека му било незгодно поради недоразбирањата со лидерот на Алијансата, Зијадин Села.
-На никого не му следува по паритет здравството туку се оди на квалитет, изборот с е прави за индивидуа, не за партија. Непријатно ми е заради Села бидејќи тој беше рамо до рамо со мене во Собрание и заради тоа толку време траеја овие преговори, но не најдовме заедничко решение. Се надевам понатаму ќе градиме соработка и не само со Алијансата, туку и со будното око на опозицијата – рече Заев.
