!На 1 февруари 2017 година, завршува промотивниот период на слободно користење, без регистрација и без претплата, на содржините на „Мета“, кое беше воведено за да им овозможиме полесен пристап на корисниците до навремени и проверени вести. За начинот на пристап и за претплата, од 1 февруари 2017 година ќе информираме дополнително. При пренесувањето и преземањето на содржините од „Мета“, задолжително е атрибуирање и линкување.

Во Германија уапсен уште еден Тунижанец осомничен за нападот во Берлин


       
Берлин, 28 декември, 2016 - 16:57 (META) 

Германските власти привеле Тунижанец за кој се верува дека е вмешан во нападот со камион на божиќниот панаѓур во Берлин, во кој загинаа 12 лица.

Федералното обвинителство денеска соопшти дека 40-годишен маж е приведен за време на рација во неговата куќа и во канцеларијата во која работел.

Телефонскиот број на осомничениот бил зачуван во мобилниот телефон на Тунижанецот Анис Амри, осомничениот напаѓач кој италијанската полиција го уби во Милано. Истрагата посочува дека новоприведениот можеби е вмешан во нападот.

Обвинителството има рок до утревечер да одлучи дали има случај против него и би можело да побара официјален налог за апсење.

Во нападот од 19 декември во Берлин загинаа 12 лица, а повредени беа 50. Одговорноста за нападот ја презеде Исламска држава.