!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Убиени пет дипломати на ОАЕ во Авганистан


       
Кабул, 11 јануари, 2017 - 11:26 (META) 

Обединетите Арапски Емирати соопштија дека пет нивни дипломати се убиени во бомбашки напад на југот на Авганистан, што е најголем напад на дипломатски кор во таа земја.

Властите во Дубаи прогласија ден на жалост и наложија сите институции да го спуштат знамињата на половина копје во знак на оддавање почит на дипломатите кои се убиени во нападот што бил изведен вчера.

Во меѓувреме, талибанските бунтовници демантирале дека се одговорни за нападот во Кандахар, во кој е повреден амбасадорот на ОАЕ, Џума Мухамед Абдулах ал Каби.

Мета на нападот била резиденцијата на гувернерот на авганистанската провинција Хомајун Азизи, кој е повреден.

Талибанците ја презедоа одговорноста за нападот во Кабул во кој настрадаа 38 лица, а повредени се неколку десетици, но демантираа поврзаност со нападот во Кандахар.

ОАЕ соопшти дека дипломатите учествувале во хуманитарна мисија на југот на Авганистан.