Под мотото „Не за делумна аболиција“, почна протестот на „Шарената револуција “ во Штип.
Граѓаните со транспаренти се собраа пред зградата на Основниот суд во Штип од каде тргнаа кон центарот на градот. Штипјани не се согласуваат со одлуката на претседателот, Ѓорге Иванов за делумно укинување на одлуката за аболиција.
– Оваа одлука е само еден почеток и вовед во исправање на работите, во нормализирање и враќање на правната држава. Протестите ќе продолжат се додека не се обезбедат сите услови и не профункционира правната држава – рече Горан Трајков, од движењето „Протестирам“.
Според најавата, во Штип ќе се протестира и наредната недела во понеделник, среда и четврток.
