!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

СДСМ: Димовски да се појави во Собрание и да не ги попречува демократските процеси


       
Скопје, 17 март, 2017 - 17:54 (META) 

Илија Димовски не може да зборува за медиумите и за судството, бидејќи токму ВМРО-ДПМНЕ во изминатите 11 години посветено работеше на уништување на професионалните медиуми и против независна судска власт“, се вели во реакцијата на СДСМ, на прес-конференцијата на членот на извршниот комитет на ВМРО-ДПМНЕ, Илија Димовски.

Од СДСМ велат дека Димовски „наместо да зборува за прашања за кои со своите политики им наштетија на граѓаните, треба да прифати дека ВМРО-ДПМНЕ е опозиција“.

„Илија Димовски треба да ја исполни својата должност, како пратеник да биде присутен во Собранието и да не се обидува по налог на Груевски да ги попречува демократските процеси. Независност на медиумите и професионално судство овозможува програмата на новата реформска влада“, велат од СДСМ.