Во четири часот утрово завршија преговорите на работните групи на партиите потписнички на Договорот од Пржино, но и овојпат без успех. И покрај оптимизмот на белгискиот олеснувал Питер ван Хојте, се дознава дека во напната атмосфера продолжиле и синоќешните разговори. Од преговарачките тимови информираат дека претставниците од ВМРО-ДПМНЕ постојано барале паузи, со што само се скратувало времето за разговор.
Според неофицијалните информации, поради закоченоста на преговорите се очекува утре Европската унија, преку своите претставници, да предложи готов текст на изборниот законик.
Реакција утрово имаше од шефот на Мисијата на ЕУ во Македонија, Аиво Орав.
– Многу сум разочаран што преземената обврска за постигнување договор до 6 октовмри, лидерите не ја испочитуваа – вели Орав во кратката изјава, пренесе „Плусинфо“.
