fbpx

Поради Супер купот, препродавањето билети ќе биде кривично дело

-

Во Собранието по попладневната пауза експресно беше закажана и се одржа 10. седница, со единствена точка на дневен ред – донесување предлог-закон за изменување и за дополнување на Законот за кривична постапка во скратена постапка, со кој рекламирањето билети за препродажба и нивната препродажба ќе станат кривично дело.

Ваквата препродажба досега воопшто не беше опфатена со законите, рече Томислав Тунтев, координаторот на пратеничката група на СДСМ. Тој предлогот на четирите најголеми партии во Собранието, ВМРО-ДПМНЕ, СДСМ, ДУИ и Беса, го образложи со барањата на УЕФА за одржувањето на Супер купот, а со тој закон ќе се овозможи на Фудбалската федерација на Македонија да ги исполни барањата на Европската федерација.

Откако предлогот беше прифатен, претседателот на Собранието, Талат Џафери, побара матичната комисија и Законодавно-правна комисија да го известат кога ќе ја продолжат процедурата за измената на Кривичниот законик и потоа ја прекина седницата и прогласи дека Собранието ќе продолжи со работа на точката од петтата седница, но набргу даде пауза за да овозможи комисиите да се координираат.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...