Посетата на еврокомесарот за проширување и за соседска политика, Јоханес Хан, на Македонија, е сè уште неизвесна. Во медиумите се појавија информации дека Хан ќе го одложи доаѓањето поради мини-самитот на ЕУ посветен на бегалската криза, но по неговото откажување агендата на Хан е празна.
Ниту во Европската комисија немаат прецизни информации дали Хан утре ќе ја посети Македонија или, пак, ќе допатува откако ќе биде дадена оцената дали се создадени услови за веродостојни избори.
– Засега не можеме да го потврдиме тоа. Ќе ве информираме штом ќе биде одлучено – соопшти Маја Коцијанчич за „Мета“.
Таа ниту ја отфрли, ниту ја потврди можноста следната средба на политичките лидери со Хан да се одржи во Брисел, наместо во Скопје.
– Комисијата е во постојан контакт со сите политички актери на дневна основа – соопшти портпаролката на еврокомесарот Хан.
