Во присуство на голем број верници, жители и туристи, денеска, со богослужба беа осветени новите конаци на манастирот „Св. Стефан“, во истоимената туристичка населба во Охрид.
Со новите конаци од манастирот „Св. Стефан“, Дебарско-кичевска епархија е збогатена со уште 57 нови легла, кои се комплетно опремени со што гостите ќе може да уживаат во убавините на манастирот и во прекрасниот поглед кон Охрид и кон Охридското Езеро.
Конакот ќе биде отворен за сите што сакаат да најдат душевен мир.
