!На 1 февруари 2017 година, завршува промотивниот период на слободно користење, без регистрација и без претплата, на содржините на „Мета“, кое беше воведено за да им овозможиме полесен пристап на корисниците до навремени и проверени вести. За начинот на пристап и за претплата, од 1 февруари 2017 година ќе информираме дополнително. При пренесувањето и преземањето на содржините од „Мета“, задолжително е атрибуирање и линкување.

Нов, атрактивен дрвен мост над реката Дрим во центарот на Струга


       
Струга, 12 декември, 2016 - 13:56 (META) 

Реката Дрим во центарот на Струга ќе ја премостува нов, атрактивен дрвен мост. Проектантска куќа од Австрија во која работат Македонци го изработи проектот, а од таму се увезени и дрвените делови.

Идниот пешачки мост се монтира на местото на некогашниот мост, познат како „Мостот на Нина“, по името на некогашната општинска раководителка на Струга, а беше демонтиран пред пет години, поради дотраеност.

Надворешниот лик на мостот ќе биде во согласност со другите два моста во централното градско подрачје на Струга.

Градоначалникот на општина Струга, Зијадин Села, вели дека мостот се гради со донација од приватна фирма.

– Надворешните страни ќе бидат метални и ќе бидат исти со страните на Мостот на поезијата и на Чаршискиот, по нивната реконструкција – додаде Села.

Струшкиот градоначалник истакна дека почната е постапка и за уредување на шеталиштето, односно западниот брег на реката Црн Дрим, и на двата кеја.

Донаторот Менди Ќура вели дека мостот ќе биде поставен до крајот на годинава, за што ќе бидат инвестирани околу 150.000 евра.