Полицијата утринава блокираше станбен блок во белгискиот град Гент, откако е забележано дека во него влегле четворица вооружени мажи, јавуваат белгиските медиуми.
Засега не е познато кој се вооружените лица и какви им се намерите, а полициските сили го затвориле сите приоди кон блокот. Исто така, нема податоци дали во зградата има заложници. Полициските служби засега не соопштуваат ништо официјално.
Во Белгија денеска има генерален штрајк и движењето е отежнато бидејќи железничкиот и авионскиот сообраќај не функционираат, додека движењето по улиците е отежнато поради барикадите кои штрајкувачите ги поставија на стратешките раскрсници.
Not much going on right now. Police seems to be waiting. #Ghent #hostage #Dampoort pic.twitter.com/hBEwy1HsYt
— Djamel Zerrouk (@DjamelZerrouk) December 15, 2014
