Национален штрајк организиран од заедничкиот фронт на сите синдикати денеска целосно ја парализира Белгија.
Не се работи во државните институции, а влезовите во приватните компании се блокирани од синдикални одбори веќе од четири часот утрово. Најголемиот трговски центар во Брисел e блокиран првпат во последните десет години.
Сите летови на бриселскиот аеродром се откажани до крајот на овој ден, како и сите меѓународни возови до Лондон и до Париз, а нема ниту јавен превоз.
Оваа здружена акција на новата владина коалиција, составена само од десничарски и од ултрадесничарски партии, е резултат на мерките за штедење: намалување на социјалната помош за невработените, пензија на 67 години и намалени плати.
Ваков масовен штрајк Белгија не доживеала повеќе од десет години.
Синдикатите најавија дека доколку владата не покаже слух за нивните барања, нови штрајкови ќе бидат организирани од јануари, а не се исклучува можноста за постојан штрајк доколку односите се заострат.