Министерот за внатрешни работи на Ирак, Мухамед Салем ал-Габан, изјави дека офанзивата против џихадистите на Исламска држава во Тикрот е привремено запрена за да им се овозможи на цивилите да го напуштат некогашниот роден град на Садам Хусеин.
Габан истакна дека офанзивата за повторно заземање на Тикрит, која почна кон почетокот на месецов, исполнила 90 отсто од целите и оти џихадистите се потиснати на мал дел од центарот на градот.
Ирачкиот министер соопшти дека екстремистите на ИД минирале зграда во центарот на градот, а ирачките сили, потпомогнати од шиитската милиција и од иранските сојузници, ја забавиле офанзивата за да се намалат сопствените загуби, да се заштити инфраструктурата и да им се овозможи на цивилите да го напуштат местото.