Седницата на Советот за безбедност почна со минута молчење во чест на полицајците што загинаа во Куманово.
На средбата, покрај претседателот Ѓорге Иванов, присутни се и премиерот Никола Груевски, претседателот на Собранието, Трајко Вељаноски, министерката за внатрешни работи, Гордана Јанкулоска, министерот за одбрана, Зоран Јолевски, министерот за надворешни работи, Никола Поповски, и членовите на Советот, Флора Кадриу, Насер Сејдини и Вели Креци.
Нa покана од претседателот Иванов, присутвуваат и лидерот на СДСМ, Зоран Заев, претставникот на ДУИ, Талат Џафери, и претставникот на ДПА, пратеникот Имер Алиу.
По завршување на состанокот најавено е обраќање на претседателот Иванов до граѓаните.
