fbpx

Загинати цивили во Украина, руските сили извршиле најмалку 250 артилериски и ракетни напади

Според Генералштабот на вооружените сили на Украина, во текот на изминатово деноноќие дошло до 56 оружени судири меѓу украинската војска и руските агресорски сили

-

Најмалку 117 артилериски напади се извршени вчера од руските сили во регионот Херсон во Украина, при што двајца цивили биле убиени а осуммина се ранети. Во регионот Харкив во слични воени дејствија врз цивилни цели, односно врз 15 населени места, е дејствувано со оружје на земја и од воздух, јавува украинската државна новинска агенција ukrinform.net.

Цел на руски артилериски напад било и едно населено место во областа Никопол. Дејствувано е во текот на ноќта, при што се оштетени две куќи, амбар, стакленик и гасовод.

Сепак, најстрашно било во регионот Запорижја, каде во текот на вчерашното деноноќие, руските сили извршиле 158 напади врз 22 населени места. Притоа биле користени дронови и повеќецевни ракетни лансери.

Според Генералштабот на вооружените сили на Украина, во текот на изминатово деноноќие дошло до 56 оружени судири меѓу украинската војска и руските сили.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Агресивен пензионер е снимен во итната служба на Неапол, а не на вакцинален пункт

Видеото од објавата што ја рецензираме не е од центар за вакцинација туку од итната помош во Неапол. Како што информираат проверувачите на факти на на Factcheck.vlaanderen, самата болница...