fbpx

За притворот на Кочан, предметот е испратен во Апелацискиот суд

-

Кривичниот суд го комплетирал предметот по жалбата на одбраната за притворот на бизнисменот Сеад Кочан, осомничен во случајот „Труст“ на Специјалното јавно обвинителство, и го испратил во Апелацискиот суд Скопје, кој треба да одлучува по него, потврдија за „Мета“ од Основниот суд Скопје 1.

– Откако е добиен одговор на жалбата од Специјалното јавно обвинителство, предметот е комплетиран и испратен на одлучување во Апелацискиот суд Скопје – ни изјавија од судот.

Адвокатот на Кочан, Никола Додевски, вчера и денеска го обвини Кривичниот суд дека навреме не го доставил предметот до Апелацискиот суд и дека веќе поминал рокот за одлука по жалбата поради што решението за притвор повеќе нема правно дејство. Тој нагласи и дека Кривичниот совет на Основниот суд Скопје 1 сторил груба незаконитост и без законска основа навел дека жалбата не го задржува извршувањето на решението за определување мерка притвор.

Специјалното јавно обвинителство денеска претпладне најави дека ќе поднесе одговор на жалбата на Додевски, во кој ќе ги изнесе своите одговори на забелешките на одбраната на Кочан.

Кривичниот совет на Основниот суд Скопје 1 во четвртокот минатата недела донесе решение со кое на бизнисменот Кочан, кој е еден од тројцата осомничени во случајот „Труст“ на СЈО, му одреди мерка притвор. Оттогаш Кочан е недостапен за органите на прогонот и против него е распишана и меѓународна потреница преку Интерпол.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Синдикатите на пет универзитети најавија протест заради непотпишување на колективниот договор

Вработените на пет универзитети најавија протест за утре како израз на незадоволство што со нив не е потпишан колективен договор. Синдикатите на Универзитетот во Тетово, „Гоце Делчев“ од Штип,...