fbpx

За Обединетите пензионери, зголемувањето на пензиите е владина манипулација

-

Партијата на обединети пензионери и граѓани на Македонија (ПОПГМ), го осудува безобѕирното манипулирање на Владата со пензионерите, со најавата за божемно „зголемување“ на пензиите за 5 проценти , се вели во партиското соопштение.

„Владата на Република Македонија, без трошка совест, го воведе терминот „зголемување на пензиите“, само во функција на сопствен маркетинг, а го суспендира член 37 од Законот за ПИО, со кој се регулира редовното усогласување на пензиите. Вторпат, сака пензионерите „да ги преведе жедни преку вода“, во што, на општо изненадување – од само ним познати причини, добива поданичка подршка, од Сојузот на здруженијата на пензионерите (СЗПМ)“, се вели понатаму во соопштението.

Обединетите пензионери потсетуваат дека до 2013 година пензиите редовно се усогласуваа двапати годишно. Ова изборено право од пензионерите, беше во функција на подобрување на соодносот на просечната пензија во однос на просечната плата. Затоа ги повикуваат сите пензионери да им се придружат во борбата за зачувување и за подобрување на веќе стекнатите пензионерски права и истовремено заедно да се изборат да престане манипулацијата и „распродажбата“ на нивните гласови.

– Владата и раководството на СЗПМ, наместо што манипулират со терминот „зголемување“ на пензиите на солидарна основа, нека одговорат зошто е суспендирано усогласувањето, колку просечно на годишно ниво би изнесувало редовното усогласување на пензиите, зошто во ФПИОМ нема доволно пари, дали пензиите се социјални примања, каков е соодносот на просечната пензија и плата и како тие, како „демократи и лидери со претприемачки дух“, на мала врата во Македонија ја вратија урамниловката од времето на комунизмот – се вели во соопштенмието на ПОПГМ.

Оттаму предупредуваат дека пензиите никој не ги дава. Пензионерите самите си ги заработиле со финансирање на Фондот за ПИО. Секоја влада има обврска да ги гарантира и да ги исплаќа пензиите, во спротивно ќе се соочи со гневот на многубројните пензионери во Република Македонија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Последици од невремето: поплавени куќи и подруми, паднати дрва, уништени автомобили

По вчерашното невреме што ги зафати Скопје, Гостивар и Тетово околу 16.30 часот, од Центарот за управување со кризи (ЦУК), информираа дека на Единствениот повикувачки број за итни случаи...