Собранието на Република Македонија денеска ќе ја продолжи 80. седница со расправа за измените и за дополнувањата на Законот за Академијата за судии и јавни обвинители, по скратена постапка.
На дневен ред се и дополнувањето на Законот за платите на судиите и измените и дополнувањата на Законот за платите на јавните обвинители, двата по скратена постапка.
Пратениците ќе ги разгледаат и предлог-измените и дополнувања на Законот за лековите и медицинските средства, предлог-измените и дополнувањата на Законот за здравствената заштита, предлог-законот за дополнување на Законот за енергетика и предлог-законот за изменување и за дополнување на Законот за регистрирање готовински плаќања.