Екстремистичката група Исламска држава загуби голем дел од територијата што претходно ја контролираше во Ирак, соопшти ирачкиот министер за надворешни работи, Ибрахим ал Џафари, во Техеран.
– Терористите зазедоа околу 55 проценти, но во овој момент контролираат само 19 отсто од нашата територија и сведоци сме на нивното повлекување – изјави Џафари, додавајќи дека во Ирак моментно војуваат терористи од сто земји.
Ирачките вооружени сили во вторникот почнаа операција за враќање на контролата над градот Рамади, а според последните информации, вчера успеале целосно да го заземат градот и да ги протераат борците на ИД.
