fbpx

Во Штип денеска 13 новозаболени, се очекуваат препораки до компаниите со болни работници да затворат

-

„Што е следно? Ќе оди ли Штип под карантин?“, се прашањата што доминираат меѓу штипјани откако вчера беше објавена бројката од 60 новозаболени од ковид- 19 од овој град.

Иако смирувачки делува денешната бројка од 13 нови позитивни случаи, сепак, кренат е алармот и кај институциите и кај граѓаните. Се очекува на состанок со сопствениците на компании каде има болни од Ковид -13, попладнево надлежните да побараат привремено затворање на капацитетите и работниците да заминат на годишен одмор, како превенција од натамошно ширење на вирусот.

Ова го најави градоначалникот Благој Бочварски, според кого, вчерашната висока бројка е инцидентна. Тој побара поголемо ангажирање на полицијата и инспекторите на терен.

– Контроли, казни, овде зборувам за неносење на заштитни маски, овде зборувам за секое непочитување на еден граѓанин, институција, компанија. Така што и во таа насока треба да постапуваме и знаеме сите дека во моментите, кога бевме дисциплинирани и кога сме дисциплинирани немаме проширување на овој вирус. Имавме помал број на новозаразени – кажа градоначалникот Бочварски.

Дисциплината, се чини, е клучниот збор кога е во прашање растот на бројот на заболени во Штип. Близу два месеци секојдневно има новозаболени, а тоа според ецидемиолозите од Центарот за јавно здравје се должи и на недисциплинираноста на граѓаните и непридржувањето кон мерките.

-Поради тоа, тешко е да се каже каде заболуваат луѓето – на работните места, каде што се групираат на пауза, или дома, каде што продолжуваат дружењата, не се откажуваат од семејните прослави, а младите не го изоставуаат вообичаеното гушкање на видување и групирањето по кафулињата – велат од Центарот за јавно здравје.

По вчерашната висока бројка на новозаболени, почнаа и меѓупартиските обвинувања. На социјалните мрежи се објавуваа фотографии од завршниот митинг на ВМРО ДПМНЕ на градскиот плоштад во Штип, а оваа партија „одговори“ со фотографии од средбите на СДСМ, со луѓе што не носат маски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Гордана Силјановска-Давкова официјално е претседателски кандидат на ВМРО-ДПМНЕ

Гордана Силјановска-Давкова и официјално ќе влезе во трката за претседател на државата, како кандидат на ВМРО-ДПМНЕ. Таа денеска со мнозинство гласови беше избрана на Kонвенцијата која се одржа во...