Вчера неколку жители од хрватско населено место со сите сили се обидувале да помогнат на целосно дехидриран и изнемоштен шакал, која со последните сили се довлечкал до еден од дворовите, пренесуваат хрватските медиуми.
Жителите му давале вода на повреденото животно и го повикале хрватското здружение за заштита на диви животни. За жал, и покрај акцијата и хуманиот гест на луѓето, животното не преживеало, бидејќи имало повреди на главата.
„Благодариме на сите добри луѓе, од градската управа до ветеринарната станица, благодариме на ветеринарот и на азилот, на госпоѓа Марија, прекрасна жена која прва помогна и без страв, со големо срце, му даваше вода на кутрото животно што се влечеше и бараше помош. Повредениот шакал се влечел до првото населено место, а жената веднаш почнала да ѝ дава вода преку оградата. Животното веднаш беше згрижено, заврши на инфузија, но утрово почина како последица на крварење“, објави на Фејсбук хрватското здружение AWAP.
