fbpx

Владата го разреши директорот на Државниот пазарен инспекторат, Стојко Пауновски

-

Владата на вчерашната седница го разреши директорот на Државниот пазарен инспекторат (ДПИ), Стојко Пауновски, согласно член 10, став 1 од Законот за Државен пазарен инспекторат според кој Владата го именува и разрешува директорот на ДПИ.

Разрешувањето, според објаснување на Владата, е „поради неговото непрофесионално однесување.“

„Оваа консензуално донесена одлука е донесена според Кодексот за етичко однесување за членовите на Владата и носителите на јавни функции именувани од страна на владата и според Законот за Државен пазарен инспекторат,“ образложуваат од Владата.

Одлуката следува откако Пауновски одби да прими 35 вработени според Рамковниот договор, кои долги години примаа плата, а не работеа, но Владата најде законско решение за истите да бидат распределени по институции.

Инспекторите на ДПИ вчера беа на средба во Владата каде што на премиерот Заев му предадоа петиција за Пауновски да остане во таа институција, бидејќи многу придонел за нејзино успешно работење во последните три години. Заев иако рече дека ќе го земе предвид нивното барање, сепак како што најави, на вчерашната владина седница тој беше разрешен.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(ВИДЕО) Болницата и куќите под вода, Тетово и овој пат неподготвено за невремето

Блокирани улици, автомобили со искршени стакла, поплавени подруми, уништени дрвја. Ова е билансот од вчерашните врнежи во Тетово, кои околу еден час беа придружувани со град. И додека граѓаните...