Предлог-законот за необјавување на „бомбите“ е вратен на доработка во Собраниските комисии и ја поздравувам улогата на ДУИ која се одлучи на ваков чекор, изјави предмалку, белгискиот олеснувач, Питер ван Хојте, пренесе Телеграф.
За него партиите треба да најдат решение најдоцна до 20 октомври. Во врска со разговорите на работните групи за Изборниот законик тој рече дека има приближување во ставовите и очекува преговорите да траат цела ноќ.
– Партиите се блиску до договор околу Избирачкиот список и за државната изборна комисија. Идејата за активна регистрација најверојатно ќе се напушти, а гласачите ќе се проверуваат со комбинација од теренска проверка и споредба на податоците од неколку државни институции. Работата е речиси договорена и за ДИК која треба да брои 9 члена од сите четири партии, како и тројца независни експерти кои ќе бидат избрани со
консензус во Собранието – изјави тој.