Менаџерот на Манчестер јунајтед, Луи ван Гал, отворено зборуваше за амбициите до крајот на сезоната и истакна дека шампионската титула, сепак, е само теоретски достижна за „црвените ѓаволи“, пренесе „Дерби“.
– Секако дека такво нешто е возможно, но не е логично. Им верувам само на фактите, а не на зборовите од типот „ако“ и „кога“. Ако ништо друго, викендов можеме да го зголемиме притисокот над Челси, а ако ги победиме, сè може да се случи. Сме виделе и од претходните сезони во Премиер-лигата дека може да се стигне и ваква предност, па тоа не би било чудо, но нелогично. Tие сигурно ќе бидат задоволни со еден бод – изјави холандскиот менаџер.
Јунајтед денеска му гостува на Челси и заостанува осум бода и има натпревар повеќе од лидерот во англиското првенство.
