Утре во 11 часот, во центарот за конференции и за студии при Националната и универзитетска библиотека „Свети Климент Охридски“ во Скопје, ќе се одржи едночасовна презентација на Анализа на законската рамка за образование и можностите за вклучување на отворените образовни ресурси.
Авторот на анализата е Климе Бабунски и таа го опфаќа законот за основно образование, законот за средно образование, закон за учебници за основно и за средно образование, закон за авторско право и сродни права, а овозможува согледување на состојбите, изведување заклучоци и препораки за можно регулирање на отворените образовни ресурси во овие закони.
Анализата е достапна за преземање во електронска форма на македонски и на англиски јазик.
Алијансата за отворени образовни ресурси е отворена група на поединци, организации, институции кои функционираат како неформална мрежа со заедничка цел – подигнување на свеста и на капацитетот на академската и на научната јавност за создавање и за користење отворени образовни ресурси во Република Македонија.