fbpx

Усвоена заедничка изјава за безбедност на новинарките

Претседавачот со ОБСЕ, Бујар Османи, кажа дека прогресот единствено може да биде постигнат со инклузивност, а тоа значело дека мора да се удвојат напорите против родово-базираното насилство, онлајн и офлајн

-

Четириесет и шест од вкупно 57 земји членки на ОБСЕ, денеска се согласија на заедничка изјава за безбедност на новинарки, во која е наведено дека како приоритет ќе биде ставено клучното прашање за безбедноста на новинарките на интернет и на меѓународната сцена. На крајот на триесеттиот Министерски состанок на ОБСЕ, односно на третата пленарна седница, министерот за надворешни работи и претседавач со ОБСЕ, Бујар Османи, кажа дека прогресот единствено може да биде постигнат со инклузивност, а тоа значело дека мора да се удвојат напорите против родово-базираното насилство, онлајн и офлајн.

Претставничката на ОБСЕ за слобода на медиумите, Тереза Рибеиро, на настанот истакна дека ако нема пристап до јавно место и право на изразување, тогаш демократијата и плурализмот не ја постигнале целта.

„Има многу новинарки кои што се под константен притисок и се самоцензурираат или ја напуштаат професијата, што значи дека го губиме гласот и влијанието врз демократијата и плурализмот е повеќе од очигледно“, кажа Рибеиро.

Во изјавата е наведено дека како приоритет ќе биде ставено клучното прашање за безбедноста на интернет за жените новинарки и на меѓународната сцена и во соодветните национални контексти кое ќе биде постигнато преку неколку чекори, како што е приспособување на родова перспектива, обрнување внимание на повеќекратните и вкрстени форми на дискриминација.

„Jа нагласуваме виталната важност од поддржување на слободата на медиумите, усвојување на родова перспектива во нашиот пристап за почитување, заштита и исполнување на правото на слобода на изразување, како и зајакнување на психолошката и физичката безбедност на новинарите, и офлајн и онлајн“, стои во изјавата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Агресивен пензионер е снимен во итната служба на Неапол, а не на вакцинален пункт

Видеото од објавата што ја рецензираме не е од центар за вакцинација туку од итната помош во Неапол. Како што информираат проверувачите на факти на на Factcheck.vlaanderen, самата болница...