Црквата „Свети Спас“ во скопското село Добри Дол е ограбена од непознат сторител, кој одзел околу 5.200 денари.
Кражбата е извршена во периодот од 15 до 21 март така што крадецот го скршил катанецот и влегол во црквата.
МВР соопшти дека е ограбена и црквата „Св. Преображение“ во месноста Теферич, од каде се одземени околу 500 денари.
Разбојникот влегол насилно преку влезната врата во периодот од 8.30 до 9 часот на 20 март.
Исто така, на 20 март, во црквата „Св. Никола“ во скопското село Горно Соње, извршена е тешка кражба при што се одземени околу 10.000 денари.
Полицијата работи на расветлување на кражбите.