Укината е забраната за движење на тешки товарни возила на неколку планински превои, соопшти ЈП „Македонија пат“. Сепак, оттаму соопштуваат дека е задолжителна употребата на зимска опрема.
На патниот правец Охрид – Ресен преку планински превој Буково, забраната за сообраќај за тешки товарни возила е укината, но е задолжителна употреба на зимска опрема (синџири).
На патниот правец Охрид – Кичево преку планински превој Пресека е укината забраната за сообраќај за автобуси.
На патниот правец Охрид – Кичево преку планински превој Пресека е укината забраната за сообраќај на тешки товарни возила, но е задолжителна употреба на зимска опрема (синџири). На патниот правец Гостивар – Кичево преку планински превој Стража забраната за сообраќај за тешки товарни возила е укината, се вели во соопштението на „Македонија пат“.
