fbpx

Туск: ЕУ ќе најде решение за поддршка на Украина без разлика на ставовите на Орбан

Договорот за финансиската помош бара едногласно одобрување од 27. земји-членки на ЕУ, што значи дека Орбан имаше право да стави вето на напорите на блокот да се oбезбедат повеќе средства за Украина додека земјата продолжува да се бори со руските сили

-

Европските лидери ќе се состанат денес во Брисел со надеж дека ќе стават крај на застојот во финансирањето на Украина откако украинскиот премиер, Виктор Орбан стави вето на финансиката помош од 50 милијарди евра, пишува Би-би-си. 

Од неодамна се појавија гласини за потенцијално казнени дејствија од ЕУ, а лидерите стануваат нетрпеливи кон ставот на Унгарија, која спречува финансиите да стигнат до Украина, со приближувањето на втората годишнина од инвазијата од Русија.

Договорот за финансиската помош бара едногласно одобрување од 27-те земји-членки на ЕУ, што значи дека Орбан имаше право да стави вето на напорите на блокот да се oбезбедат повеќе средства за Украина додека земјата продолжува да се бори со руските сили.

Инаку, Орбан важи за најблискиот сојузник на Владимир Путин во ЕУ и неколку пати се има противено на санкциите во врска со руската нафта и гас.

Полскиот премиер, Доналд Туск, во вторникот изјави дека ЕУ ќе најде решение за поддршка на Украина без разлика на ставовите на Орбан.

Претходно, оваа недела беше објавено и дека европските лидери може да ја погодат унгарската економија доколку Орбан повторно проба да ја спречи финансиската помош за Украина.

По минатиот самит, Орбан предложи земјите од ЕУ да ја финансираат Украина со пари надвор од буџетот на ЕУ. Оттогаш, тој рече дека ќе биде отворен за користење на буџетот и за укинување на ветото на финансискиот пакет – под услов да се одржува годишно гласање пред да се ослободи следната транша од помошта.

Лидерите на ЕУ, сепак, веројатно нема да се согласат со овој предлог, што ги остава изложени на годишна закана со вето од Унгарија.
ИзворBBc

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Владимир Путин во посета на Виетнам

Рускиот претседател Владимир Путин пристигна во Виетнам, каде ќе се сретне со лидерите на владејачката Комунистичка партија. Со оваа посета, рускиот претседател ја завршува својата кратка тура на официјални...