Грчкиот премиер Алексис Ципрас преку „Твитер“ упати критика кон турскиот премиер Ахмет Давутоглу поради упадот на турските авиони во грчкиот воздушен простор.
Ципрас во пораката на „Твитер“ напишал дека грчките пилоти, „за цела среќа“, не се темпераментни како турските пилоти против Русите.
– Тоа што се случува во областа на Егејското Море е неверојатно. Трошиме милијарди на оружје. Вие за да упаднете во нашиот простор, а ние за да ве пресретнеме – напиша Ципрас во вториот твит.
И Ципрас и Давутоглу вчера во Брисел учествуваа на самитот ЕУ-Турција за бегалската криза.
Грчкиот премиер напиша дека Атина и Анкара треба да се фокусираат на спасување на бегалци, а не на оружје.
Давутоглу одговори само на првата порака на Ципрас, со оцена дека „таквите коментари не се во духот на состанокот во Брисел“.
На профилот @Tsipras_EU избришани се пораките на англиски, но и понатаму може да се прочитаат на грчки на @atsipras.
Greek PM @tsipras_eu deletes tweets criticizing Turkey for airspace violations #EUTurkey pic.twitter.com/qc5E7IOss6
— kostas rossoglou (@kostasrossoglou) November 29, 2015