Голем метеж се создаде во центарот на Скопје поради два протеста пред Владата. Во 11 часот пред Владата протестираа вработените во државниот загубар ОХИС, а по нив на протест излегоа автошколите да го искажат незадоволство од воведувањето на законот кој предвидува поставување камери во возилата во кои се обучуваат и се тестираат кандидатите што полагаат возачки испит.
Сообраќајот се пренасочува по другите улица, каде има колони возила кои се заглавени во место. Возачите и патниците во јавниот сообраќај се нервозни затоа што не можат навреме да стигнат на предвидените места.
Поради метежот, семафорите на дел од улиците се исклучени, а сообраќајот го регулираат сообраќајци.