Грчката крајбрежна стража објави дека три деца и една жена се удавиле кога нивниот чамец се превртел во близина на островот Калимнос во Егејско Море.
Дрвениот чамец полн со сириски бегалци, кој во петокот го напуштил турскиот град Ајвалик, се упатил кон Лезбос, но не стигнал до целта.
Тие што го преживеале патувањето биле целосно исцрпени, заболени од треска и од инфекции на дишните патишта.
Повеќе од 3.000 лица настрадаа годинава во обидот преку Медитеранот да стигнат до Европа. Меѓу нив имало и тинејџери и деца.
Според податоците на Меѓународната организација за миграција во Женева, околку 48.000 мигранти стигнале во Грција во последните пет дена, што е рекорден број.
