fbpx

Тренчевска: Обединети до подoбри резултати во заштитата од насилство врз жените и семејното насилство

-

Министерката за труд и социјална политика Јованка Тренчевска денеска учествуваше на работилница за спроведување на Законот за спречување и заштита од насилство врз жените и семејно насилство, информираат од Министерството за труд и социјална политика.

На работилницата која е организирана во соработка со УНФПА, претставници од институциите и организациите информираа за проектните активности за спречување и заштита од насилство врз жените.

Во своето обраќање, министерката Тренчевска рече дека Владата и Министерството за труд и социјална политика секојдневно ги подобруваaт националните политики за постапување, превенција и заштита на жртвите од родово базираното насилство.

Таа порача дека најважно е сите институции и чинители кои работат на превенција и спречување и заштита од насилство врз жените со цел ефикасна постапка за нивна заштита и реинтеграција во системот, да се обединат.

„Со овој Закон за прв пат се воведе принципот на постапување со должно внимание на интересите и потребите на жртвата од страна на институциите при преземањето на  мерки за превенција и заштита од родово базирано насилство. Ова е значајно бидејќи еден од најсериозните проблеми е непријавувањето на насилството од страна на жртвите, што е најчесто резултат на недовербата во институциите, затоа сите заедно треба да работиме на враќањето на довербата“, рече министерката Тренчевска.

Според Тренчевска, обуките на релевантните професионалци кои постапуваат со жртви или со сторители на сите акти на насилство опфатени со Истанбулската конвенција придонесуваат за спречување и откривање на насилството врз жените.

„Обврска на сите нас е заеднички да придонесеме да имаме еден функционален систем кој ќе биде ефикасен и ќе придонесе во спречувањето на сите форми на насилство врз жените. Факт е дека пред нас имаме уште работа, пред се во унапредувањето на услугите, мултисекторскиот пристап, раната детекција, како и подигнувањето на свеста кај жените дека е многу важно да се пријави насилството“, рече Тренчевска.

Целта на проектот е да ја поддржи Владата во воспоставувањето и имплементирањето на интегрирани политики за родовобазирано насилство насекаде во земјата во согласност со принципите на Истанбулската конвенција. Имплементатор на проектот „Превенција и заштита од родово – базирано насилство во Северна Македонија“ е Фондот за население на обединетите нации (УНФПА).

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Поставена биста на Томас Транстромер во седиштето на Струшките вечери на поезијата

Во спомен-домот на браќата Миладиновци во Струга и седиштето на меѓународниот поетски фестивал Струшките вечери на поезијата е откриена биста на Томас Транстромер, добитник на Златниот венец на Струшките...