Двојно повеќе студенти во споредба со минатиот протестен марш се собраа денеска пред Универзитетот „Свети Кирил и Методиј“ во Скопје да го искажат својот револт против воведувањето екстерно тестирање, јави репортерот на новинската агенција „Мета“, кој е на местото на настанот.
Како што нè информираше нашиот репортер, студентите сè уште се собираат, а за кратко време треба да тргнат и по најавената маршрута кон Собранието на Република Македонија, а потоа и пред владата.