Речиси три часа публиката уживаше во преполнетата „Св.Софија“, на концерот на прославениот пијанист со светско реноме по потекло од Хрватска, Иво Погорелиќ. Затоа, пак, го награди со стоечки овации и со извици на воодушевување, упорно барајќи бис-изведба, на што Погорелиќ не одговори позитивно, затворајќи ги клавијатурите веднаш по исполнувањето на официјално одбраната програма.
Затоа, пак, вечерва ќе има втор концерт на истиот простор, за кој билетите, исто така, се однапред распродадени, по цена од 1.000 денари. За организаторот, пак, вториот концерт, Погорелиќ ќе го одржи без паричен надомест, како негов роденденски подарок за фестивалот, на кој самиот тој, како млад музичар, пред повеќе децении, го трасираше патот кон светската слава.
За концертите на Погорелиќ, покрај редовната публика, специјално во Охрид допатуваа познавачи на музиката и музичари од Србија, Хрватска, Грција, Чешка, Албанија, Франција и од други земји.
Покрај концертот на Погорелиќ во „Св. Софија“, вечерва, на сцената во дворот на ОУ „Св. Климент Охридски“ , во рамки на „Младото театарско охридско лето“, ќе биде изведена монотеатарската опера „Дневникот на лудиот“.
