На втор протестен марш против, како што велат, лошите образовни реформи, денеска излегуваат средношколците од Скопје.
Од „Средношколски пленум“ велат дека нема да подлегнат на притисоци. Во меѓувреме, новоформираната средношколска унија вчера зад затворени врати се сретна со надлежните.
Постигната е согласност математиката да не биде задолжителен предмет во државната матура за сите ученици, туку само за учениците од природно-математичките гимназии.
Од „Средношколски пленум“ велат дека тие ниту знаат, ниту биле консултирани за средбата која се одржа еден ден пред најавениот протестен марш. Протести најавија и учениците од Тетово и од Прилеп.