Владата на Србија ја покани Организацијата за безбедност и соработка во Европа (ОБСЕ) да ги набљудува претстојните локални избори во Белград, соопшти Кабинетот на премиерката Ана Брнабиќ.
Според соопштението на премиерката, испратено е барање до Канцеларијата за демократски институции и човекови права на ОБСЕ (ОДИХР) за да помогне во транспарентноста на избирачкиот процес.
По парламентарните и локалните избори на 17 декември, избори ќе се одржат во Белград по двата два неуспешни обиди за формирање мнозинство од Српска напредна партија (СНС).
Дополнително, претходните локални и парламентарни избори беа остро критикувани како нефер. Според Демократската опозиција и набљудувачката мисија ЦРТА, власта ги украла изборите, со тоа што ги донела граѓани на Босна и Херцеговина да гласаат за СНС, откако претходно биле регистрирани на адреси во Белград. Тие побараа повторување на изборите.
Дополнително ОДХИР објави извештај во кои заклучи дека условите за избори не биле фер, а Европскиот парламент побара меѓународна истрага за нерегуларностите на декемвриските избори како и суспендирање на финансиите на ЕУ за Србија доколку се докаже изборна измама.
