Shpëtohej bagëtia, mblidheshin orenditë. Kështu banorët e fshatit Vasharejcë në komunën Mogilla të Pellagonisë kaluan natën pasi Cërna Reka sërish vërshoi në tokat e disa fshatrave.
Spase Bozhinovski, bujk nga Vasharejca thotë se tërë natën ka pompuar ujin nga oborret dhe kanë gropuar kanale për ta drejtuar ujin në kanalet dalëse vetëm që mos t’u hyj nëpër shtëpi.
-Çdo gjë ndodhi si një ëndërr e keqe, sërish e njëjta pamje prej para një muaji. Bagëtitë i dërgojmë në vendet më të lartë të fshatit, silazhin e vendosim në vend më të sigurt. Arrat dhe bereqeti u shkatërruan, tani ka ngelur njerëzit dhe bagëtitë t’i shpëtojmë- thotë bujku Bozhinovski.
Bujqit thonë se banorët e komunës Mogilla “vlojnë” nga revolti sepse institucionet kompetente nuk e kanë kuptuar seriozisht çështjen dhe nuk e kanë riparuar shtratin e Cërna Rekës pas vërshimeve të para të mëdha.
-Erdhën para tre javëve kur ishte moti i mirë dhe filluan të bëjnë diga deri në mbrëmje dhe u larguan, e lanë punën në fillim, diçka joserioze- thotë Bozhinovski.
Në komunën e Mogillës sërish mbi 5000 hektar tokë janë nën ujë ndërsa rruga që çon drejt pjesës së brendshme të fshatit është i vërshuar.
-Kemi disa pika kritike dhe tani jemi duke u fokusuar tek to, druajmë që mos të këputet kanali i nëntë tek fshati Radobor dhe Çarlia, e atëherë do të jetë rrezik për fshatrat e komunës sonë. Ndërkaq, tani për tani gjendja tek ne është e qëndrueshme, tërë natën me makina punojmë dhe ndërtojmë diga të reja- thotë kryetari i komunës Novaci, Lazar Kotevski.
A.B
